Meeqqanut inuusuttuaqqanullu immikkut pisariaqartitsisunut, tamakkiisumik aaqqiineq
Ulloq Unnuarlu Angerlarsimaffik QAAMASOQ sullinniagai tassaapput, meeqqat iserternerminni 03-15-nik ukioqartut najugaqartuutigissallugit. Meeqqat 18-t tikillugit najugaqarsinnaapput.
Meeqqat sumiginnagaasimasut aammalu allamut naleqqiussisinnaanermikkut attaveqarniarnikkut akornuserneqarsimasut. Tassa eqqartorneqarput, meeqqat attaveqarniarnikkut - ineriartornikkut - pissutsimikkullu ajornartorsiortut aammalu misigissutsikkut, inooqataanikkut eqqarsartaatsikkullu kukkusumik ineriartorsimagajuttut, isumagineqarnissamik, toqqissisimanermik ineriartornissamillu ikorfartorneqarnissaminnik pisariaqartitsisut.
Ulloq Unnuarlu Angerlarsimaffik QAAMASOQ ulloq unnuarlu pamersaanikkut tunniussisinnaanermik, pamersaanikkullu tapersersuinermik neqerooruteqarpoq.
Sullissineq meeqqat ataasiakkaarlugit pilersaarusiamik ingerlasarpoq, suliaq kommuneqarfiup pilersaarusiai meeqqamut ataasikkaamut pilersaarusiaq tunulequtaralugu.