Akuersaarluni naleqartitsillunilu  pamersaaneq:

Akuersaartumik pamersaaneq, pamersaanermi tunaartatut imaluunniit periusaanngilaq nutaaq, taamaattoq QAAMASOQ-mi pingaartillugu misilittarparput anguniagaralugulu. Nunatsinnilu Ulloq Unnuarlu Angerlarsimaffinni kisiartapajaalluta ingerlataraarput. Pineqarput, immitsinnut akornatsinni susassareqatigiiinneq, qanoq immitsinnut isiginersugut iliorfigeqatigiinnersugullu. Suleqatit najugaqartullu akornanni susassareqatigiinneq, tassa najugaqartut qanoq inissisimaneranni naapissallugit. Najugaqartoq immikkuullarissuuvoq, piginnaasaqarpoq piukkunnaateqarlunilu. Taakkulu pitsaasup tungaanut ineriartortitsisinnaapput, pitsaasumik atorluarutsigit. Kikkuugaluarutta tamatta namminiussuseqarnissamik akuerineqarnissamik  misigisaqarusuppugut taamaaliornitsigut pitsaanerusumik inooriaaseqarneq angusinnaalissagatsigu.

Pitsaasut iluatsittullu  isiginiartarpagut, sunniilluarnerusarmata, nukissanik isumassarsianillu tunisisarmata. Paasisimavarput, piginnaasanik ersarissarisarnermi / oqalunnermi – iluatsittunik, kissatitsinik ulluinnarni nukissanik tunisisartut. 

Sulisut ataatsimiinneranni tamatigut assersuutigalugu piviusunik oqaluttuanik oqaluttuartoqartarpoq, pitsaasumik suleqatitsinnit imalt meeqqamit misigisamasatsinnik. Ataatsimoorluta ikioqatigiilluta oqaluttuaq paasiniartassavarput, misigisaq taanna qanoq immikkut pitsaaquteqarnersoq.  Anguniagaasarluni iluatsittut isiginiarneqarnerunissaat – atorsinnaasut ilikkarfigalugit. Isiginiakkat tassaasinnaapput angajoqqaanik suleqateqarneq imalt pameersaanermi meeqqanik sullissineq.

Sulisut ullorsiutinut allattuisassapput, ajunngitsunik pisunik – iluatsittut – meeqqanik sullissinermi. Misigisanik pitsaasunik isiginninneq allaaserisaqarnerlu meeqqap imminut iluarisimaarneranik nukittorsassapput.

QAAMASOQ´mi akueraarput, oqimaatsoqarmat aammalu ajornartorsiuteqarmat, takunngitsuusaaginnarsinnaanngisatsinnik oqaluuseralugulu piiginnarsinnaanngisatsinnik, kisianni  ajornartorsiutinik naleqartitsinitsigut – iluatsittut annikikkaluit sanarfinerisigut nassaariniartassavagut. Taarsiullugu: ”Taanna imaaliorpoq” oqartassaagut: ” Suna alla kissaatigaarput”